حل مشاكل الالعاب

مرحبا بالسادة الاعضاء

طبعا الموضوع باين من عنوانه , نظرا لكثرة مشاكل الاعضاء مع الالعاب اللى بيتم طرحها فى المنتدى حبينا نعمل موضوع لحل المشاكل اللى بتواجهكم وطبعا أي عضو يقدر يساعد ويشارك يتفضل

الالعاب لازم تكون من المنتدى , و لو فى عضو معاه مشكلة فى لعبة مش من المنتدى يبقى يراسل اى حد من المراقبين على الخاص و لو مقدرش يبقى يبعت رسالة زائر و يقول ان معاه مشكلة و طبعا للمراقب الحرية انه يوافق على مساعدته او لأ

الالعاب الجديدة بنتابع ف توبيكاتها ليوم او يومين وبعد كده لو قابلت عضو مشكلة وملقاش رد ف التوبيك الاصلي للعبة يقدر يضيف هنا رد بمشكلته لان صعب نتابع كل التوبيكات .. ودي فايدة الموضوع ده

معلومات احب كل الناس اللي بتحمل جيمز تعرفها

كل الجيمز اللي بتترفع ف ماي ايجي شغالة اكيد وبكراكات مضمونة ومجربة

مفيش مشكلة ملهاش حل طالما امكانيات الجهاز تشغل اللعبة وكمان مفيش العاب من غير مشاكل

ممكن تترفع لعبة ويحصل مشكلة ف الكراك بتاعها وبما اننا مش بنرفع غير الكراكات اللي مضمونة زي Skidrow و Reloaded والفرق الرسمية نااادر جدا يحصل ولو حصل .. فاكيد تاني يوم او ف نفس اليوم بينزل Crack Fix او احنا بنشوف حل

التعامل بين الداون لوودر والابلودر يكون باحترام .. يعني ممنوع اي كلام خارج او تلميح بعدم الدراية او او او .. بالتوبيك ده ان شاء الله كل المشاكل هتتحل

بعض المشاكل الأساسية

اولا فيه مشاكل كتير وسهلة جداا زي نقص ملفات الدي ال ال وتسطيب بعض البرامج وعشان مطولش عليكم ونفضل نعرض فيها .. البرامج اللي لازم تكون موجودة ومتسطبة على أي جهاز عشان يشغل الألعاب ومتحصلش المشاكل دي

لتحميل جميع البرامج من لينك واحد

letItbIt

Berofile

UploadSat

turBobIt

ناس كتير مش بتعرف تشغل الالعاب الايزو والاسطوانات الوهمية ونقل الكراك

ده فيديو 5 ميجا بيشرح طريقة تسطيب الايزو ونقل الكراك " طبعا بعد تسطيب الباور ايزو لانه اساسي ف تسطيب الالعاب الايزو "

تحميل الفيديو من السيرفرات التالية

letItbIt

Berofile

Uploadsat

turbobIt

Uploaded

قبل ما تحط مشكلتك تحضر مواصفات جهازك بالتفصيل الممل " هبقى اوضح الكلام ده فى نهاية الموضوع " و ايه نوع النسخة اللى نزلتها و كمان رابط الموضوع

رجاء من كل الاعضاء وضع مشاكلهم بطريقة منسقة مع اخذ القوانين فى الاعتبار

كل المشاكل هيتم حلها بأذن الله , و لو قدر الله و كانت فى مشكلة ما اتحلتش ارجو التقدير و عدم الاساءة

و احذر من الاساءة فى المعاملة او الرد بشكل غير لائق , و الا هيكون الاجراء قاسى :sneaky2:

-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-

لمعرفة مواصفات جهازك بالكامل

من Start اضغط على Run و اكتب الامر " dxdiag "

و بعدين تجيبلنا صورة من صفحة System و Display

بالنسبة لويندو 7 مش هتلاقى كلمة Run

من منطقة البحث فى Start و اكتب dxdiag مباشرة

حاجة كمان احب اضيفها لنقطة الامكانيات احب كل الناس تفهمها كويس

معظم الالعاب الجديدة بتحتاج كروت شاشة عالية داعمة البيكسل شادر 3 " يعني كروت فري " مش كروت بلت ان .. بمعنى ان لو حد شاف لعبة محتاجة كارت شاشة 512 وكارته بلت ان ميفتكرش انها عشان مكتوب انه Up to 1 Gb يبقى خلاص

كروت البلت ان كلها 16 او 64 ميجا وبتسحب من الرامات ميموري فقط

بمعنى تاني .. مهما يكون كارت البلت ان قاري ميموري حتى لو وصلت ل 10 جيجا فهو مش هيكون ف كفائة كارت فري 128 ميجا